தென்காசி குற்றாலம் அருகே சிறுமிக்கு பாலியல் தொல்லை-முதியவர் கைது
தென்காசியை அடுத்த நன்னகரம் தெப்பக்குளம் தெருவை சேர்ந்தவர் சண்முகசுந்தரம்(வயது 60). இவர் சம்பவத்தன்று இரவு 7-ம் வகுப்பு படிக்கும் 11 வயது சிறுமி ஒருவர் வீட்டில் தூங்கி கொண்டிருந்தபோது அங்கு சென்றுள்ளார்.
பின்னர் சிறுமியை பாலியல் ரீதியில் தொந்தரவு செய்து சில்மிஷத்தில் ஈடுபட்டுள்ளார். இதனை அறிந்த சிறுமியின் பெற்றோர் அங்கு வரவே, சண்முகசுந்தரம் அங்கிருந்து தப்பி ஓடினார். இதுகுறித்து சிறுமியின் பெற்றோர் அளித்த புகாரின்பேரில் குற்றாலம் போலீசார் போக்சோ சட்டத்தின்கீழ் வழக்குப்பதிவு செய்து சண்முகசுந்தரத்தை கைது செய்தனர்.
