பி.கொல்லஅள்ளி முனியப்பன் கோயில் அருகே கஞ்சா விற்ற வாலிபர் கைது.
தர்மபுரி மாவட்டம் பாலக்கோடு சுற்றுவட்டார பகுதியில் கஞ்சா விற்பனை நடை பெறுவதாக பாலக்கோடு போலீசாருக்கு இரகசிய தகவல் கிடைத்தது,
இதையடுத்து இன்று மாலை போலீசார் கிராமபுற பகுதியில் ரோந்து பணியில் ஈடுபட்டிருந்தனர்.
பாலக்கோடு அருகே உள்ள பி.கொல்லஅள்ளி முனியப்பன் கோயில் பகுதியில் ரோந்து சென்ற போது பையுடன் நின்றிருந்த வாலிபர் போலீசாரை கண்டதும் தப்பி ஓட முயன்றார்,
அவரை பிடித்து விசாரித்ததில் சோமனஅள்ளி கிராமத்தை சேர்ந்த வெங்கடேசன் (வயது .23 ) என்பதும் கஞ்சா விற்பனையில் ஈடுபட்டு வந்ததும் தெரிய வந்தது.
இதனை தொடர்ந்து அவரை கைது செய்து அவரிடமிருந்து 50 ரூபாய் மதிப்புள்ள 5 கிராம் கஞ்சாவை பறிமுதல் செய்தனர்.
