மோட்டார் சைக்கிள் திருடிய 2 பேர் சிக்கினர்
திருச்சியில் மோட்டார் சைக்கிள் திருடிய 2 பேர் சிக்கினர்
திருச்சி விமான நிலையத்தில் கடந்த ஒரு மாதமாக திருட்டு மோட்டார் சைக்கிள் நிறுத்தப்பட்டு இருந்தது
திருச்சி விமான நிலையத்தில் உள்ள இருசக்கர வாகன பாதுகாப்பகத்தில் கடந்த ஒரு மாதமாக மோட்டார் சைக்கிள் ஒன்று நிறுத்தப்பட்டு இருந்தது. இந்த நிலையில் அதனை எடுக்க 2 பேர் மோட்டார் சைக்கிளில் வந்தனர். இந்த நிலையில் அவர்கள் மீது சந்தேகம் அடைந்த வாகன பாதுகாவலர் ஏர்போர்ட் போலீஸ் நிலையத்தில் புகார் கொடுத்தார். போலீசார் இருவரையும் சந்தேகத்தின் பேரில் பிடித்து விசாரணை நடத்தினர். விசாரணையில் வாகன பாதுகாப்பகத்தில் நிறுத்தப்பட்டு இருந்த மோட்டார் சைக்கிளுக்கு எந்த வித ஆவணமும் இல்லை. மேலும் விசாரணையில் அந்த மோட்டார் சைக்கிள் வேறு மாவட்டத்தில் இருந்து திருடப்பட்டு இங்கு வந்து நிறுத்தப்பட்டு இருந்தது தெரியவந்தது. இது தொடர்பாக போலீசார் அந்த 2 பேரிடமும் தொடர்ந்து விசாரணை நடத்தி வருகின்றனர். திருச்சி விமான நிலையத்தில் கடந்த ஒரு மாதமாக திருட்டு மோட்டார் சைக்கிள் நிறுத்தப்பட்டு இருந்த சம்பவம் பரபரப்பை ஏற்படுத்தி உள்ளது.
