மாடக்குளம், சாலையில் விட்டுச் செல்லப்பட்ட முதியவரை மீட்ட S.S.காலனி காவல் துறையினர்
மதுரை, மாடக்குளம் பகுதியில் சாலையில் விடப்பட்டு சென்ற முதியவரை S.S.காலனி காவல் துறையினர் மீட்டு காப்பகத்தில் ஒப்படைத்தனர்.
மதுரை, S.S.காலனி காவல் நிலையத்திற்குட்பட்ட பகுதியான மாடக்குளம், பெரியார் நகர் கிழக்குத் தெரு அருகில் ஆதரவற்ற நிலையில் 80 வயது மதிக்கதக்க முதியவர் ஒருவர் நடமாட இயலாமல், முள் இரும்பு மற்றும் பாம்புகள் அதிகம் உள்ள பகுதியில் படுத்தபடுக்கையாக கிடந்தார். இதனை தொடர்ந்து அந்த பகுதி மக்கள் மதுரை S.S.காலனி காவல் நிலையத்திற்கு தகவல் கொடுத்ததன் பேரில் சம்பவ இடத்திற்கு விரைந்த S.S.காலனி காவல் ஆய்வாளர் திருமதி. பிளவர்ஷீலா அவர்கள் தலைமையில் துறையினர் விசாரணை செய்தனர் இதில் அவர் பெயர் முத்துகிருஷ்ணன் எனவும் இவர் சற்று மன நலம் பாதித்தவர் எனவும் தெரியவந்தது. தொடர்ந்து அவரை மீட்ட காவல் துறையினர் திருநகரில் உள்ள சுரபி அறக்கட்டளையால் நடத்தப்படும் தாய் மடி இல்லத்தில் ஒப்படைத்தார்கள், காவல் துறையினரின் இந்த மனிதாபிமான செயலை பொது மக்கள் வெகுவாக பாராட்டினர்
