மதுரையில் ஆயுதங்களுடன் சுற்றி திரிந்த ரவுடி கைது
மதுரை மாநகரில் ரவுடிகளின் அட்டகாசத்தை ஒடுக்கும் வகையில் மாநகர காவல் ஆணையர் திரு. பிரேம் ஆனந்த் சின்ஹா அவர்களின் உத்தரவின்படி தீவிர ரோந்து பணி மேற்கொண்டு வருகின்றனர். இதன்படி மாநகர தெற்கு துணை ஆணையர் திரு. தங்கத்துரை அவர்களின் மேற்பார்வையில் தெற்குவாசல் சரக உதவி ஆணையர் திரு. சண்முகம் அவர்களின் ஆலோசனையின் பேரில் கீரைத்துரை காவல் ஆய்வாளர் திரு பெத்துராஜ் அவர்கள் சார்பு ஆய்வாளர் திரு. துரைப்பாண்டி ஆகியோர் அடங்கிய தனிப்படை அமைக்கப்பட்டது. அவர்கள் நேற்று வாழைத்தோப்பு சிந்தாமணி சந்திப்பு பகுதியில் அதிரடி வாகன தணிக்கை சோதனை நடத்தினர் அப்போது அந்த வழியாக மோட்டார் சைக்கிளில் வந்த நபரை பிடித்து சோதனை செய்த போது அவர் அரிவாள் வைத்திருந்தது தெரிய வந்தது. இதையடுத்து போலீசார் அவரை கீரைத்துரை காவல் நிலையம் அழைத்து சென்று விசாரணை நடத்தினார் இதில் அவர் முடக்கத்தான் அண்ணாநகர் செந்தூர்பாண்டி மகன் சரவணமூர்த்தி வயது 24/22 என தெரிய வந்தது. இவருக்கு செல்லூர் பகுதியில் நடந்த கொலை வழக்கு ஒன்றில் தொடர்பு உள்ளது எனவே எதிரிகளிடமிருந்து தன்னை தற்காத்து கொள்ளவே ஆயுதம் வைத்திருந்ததாக தெரிவித்தார். இதனையடுத்து போலீசார் அவரை கைது செய்தனர்
