காவலர் வீரவணக்க நாளை நினைவூட்டும் விதமாக காவலர்கள் மற்றும் பொதுமக்கள் பங்குபெறும் விழிப்புணர்வு மாராத்தான் போட்டி நடத்த உத்தரவிட்டு வெற்றி பெற்றவர்களுக்கு பரிசுகள் வழங்கி பாராட்டிய திருநெல்வேலி மாவட்ட காவல் கண்காணிப்பாளர்.
திருநெல்வேலி மாவட்ட காவல் கண்காணிப்பாளர் திரு.நெ.மணிவண்ணன் IPS. அவர்கள் உத்தரவுபடி சேரான்மகாதேவி உட்கோட்ட உதவி காவல் கண்காணிப்பாளர் டாக்டர்.பிரதீப் IPS அவர்களின் அறிவுறுத்தலின் பேரில் காவலர் வீரவணக்க நாளை நினைவூட்டும் விதமாக, சேரன்மகாதேவி பகுதியில் காவலர்கள் மற்றும் பொதுமக்கள் பங்கேற்கும் விழிப்புணர்வு மராத்தான் போட்டி நடைபெற்றது.
இன்று(24.10.2020) காலை நடைபெற்ற இப்போட்டியினை உதவி காவல் கண்காணிப்பாளர் அவர்கள் கொடியசைத்து துவக்கி வைத்தார். இதில் சேரன்மகாதேவி வட்ட காவல் ஆய்வாளர் திரு.A.T.ராஜாராம், சுத்தமல்லி காவல் ஆய்வாளர் திருமதி.குமாரி சித்ரா, வீரவநல்லூர் காவல் ஆய்வாளர் திருமதி. மேரி ஜெமிதா, உதவி ஆய்வாளர்கள், சேரன்மகாதேவி உட்கோட்ட காவலர்கள் பொதுமக்கள் கலந்து கொண்டனர்.
இப்போட்டியில் காவலர்கள் மற்றும் பொதுமக்கள் 150 பேர் கலந்து கொண்டனர்.வெற்றி பெற்ற காவலர்கள் மற்றும் பொதுமக்களை மாவட்ட காவல் அலுவலகத்திற்கு அழைத்து மாவட்ட காவல் கண்காணிப்பாளர் திரு.நெ.மணிவண்ணன் IPS அவர்கள், சான்றிதழ் மற்றும் பரிசுகள் வழங்கி பாராட்டினார்.
இப்பரிசளிப்பு நிகழ்ச்சியில் சேரன்மகாதேவி உதவி காவல் கண்காணிப்பாளர் டாக்டர்.பிரதீப் IPS. மற்றும் சேரன்மகாதேவி வட்ட காவல் ஆய்வாளர் திரு.A.T.ராஜாராம் ஆகியோர் உடனிருந்தனர்.
