ஆதரவற்ற முதியவர்களுடன் புத்தாண்டை கொண்டாடிய தூத்துக்குடி மாவட்ட காவல் கண்காணிப்பாளர் அவர்கள்.
01.01.2021
தூத்துக்குடியில் உள்ள ஆதரவற்றோர் முதியோர் இல்லத்தில் வசிக்கும் ஆதரவற்ற முதியோர்களுக்கு தூத்துக்குடி மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் இன்று புத்தாடைகள் மற்றும் இனிப்புகள் வழங்கினார்.
தூத்துக்குடி டிஎம்பி காலனி பகுதியில் உள்ள நியூ நேசகரங்கள் முதியோர் இல்லத்தில் தூத்துக்குடி மாவட்ட காவல் துறை சார்பாக, மாவட்ட காவல் கண்காணிப்பாளர் திரு. எஸ். ஜெயகுமார் அவர்கள், புத்தாண்டு தினத்தை முன்னிட்டு நேற்று(31.12.2020) முதியோர் இல்லத்தில் கேக் வெட்டி கொண்டாடினார்.
பின்னர் மாவட்ட காவல் கண்காணிப்பாளர் அவர்கள் முதியோர் இல்லத்தில் உள்ள 25 பெண் முதியோர்கள் 10 ஆண் முதியோர்கள் மொத்தம் 35 முதியோர்களுக்கு புத்தாடைகள், இனிப்புகள் வழங்கி புத்தாண்டு வாழ்த்துக்களை தெரிவித்தார்.
மேலும் இந்நிகழ்வின்போது தூத்துக்குடி காவல் துணை கண்காணிப்பாளர் திரு. கணேஷ், தென்பாகம் காவல் நிலைய ஆய்வாளர் திரு. ஆனந்தராஜன், உதவி ஆய்வாளர் திரு. வேல்ராஜ் உள்ளிட்ட காவல்துறையினர் பலர் உடனிருந்தனர்.
