தாழையூத்து கொலை வழக்கில் சம்மந்தப்பட்ட மேலும் ஒருவர் கைது
திருநெல்வேலி மாவட்டம் தாழையூத்து காவல் நிலைய எல்லைக்குட்பட்ட வடக்கு தாழையூத்து பகுதியைச் சேர்ந்த கண்ணன் வயது 33 என்பவர் கடந்த 12.7.2021 ஆம் தேதி மர்ம நபர்களால் கொலை
செய்யப்பட்டார். இவ்வழக்கில் சம்மந்தப்பட்ட எதிரிகளை விரைந்து கைது செய்யும்படி திருநெல்வேலி மாவட்ட காவல் கண்காணிப்பாளர் திரு.நெ. மணிவண்ணன் இ.கா.ப., அவர்கள் திருநெல்வேலி ஊரக உட்கோட்ட துணை காவல் கண்காணிப்பாளர் திரு.ஜெபராஜ், அவர்களுக்கு உத்தரவிட்டதன் பேரில் தனிப்படை காவல்துறையினர் தீவிர விசாரணை மேற்கொண்டு இவ்வழக்கில் சம்மந்தப்பட்ட எதிரிகளான அம்மு என்ற அம்மு வெங்கடேஷ், நல்லதுரை,சங்கிலிபூதத்தான்,குருசச்சின் இசக்கிமுத்து என்ற பொத்தான், முத்து கிருஷ்ணன் வயது 25, சதீஷ் ராஜா, அதிசயபாண்டி வயது 46 கண்ணன் என்ற கந்தசாமி என்ற கண்ணபிரான் வயது 42, பன்னீர்தாஸ் வயது 24 உட்பட 15 எதிரிகள் இதுவரை கைது செய்யப்பட்டு நிலையில் மேலும் இவ்வழக்கில் எதிரியான நாங்குநேரி சவளைக்காரன்குளத்தை சேர்ந்த செந்தூர் பாண்டி வயது 28 என்பவரை தாழையூத்து போலீசார் 15.09.2021 அன்று கைது செய்து நீதிமன்ற காவலுக்கு உட்படுத்தினர்.
இவ்வழக்கில் இதுவரை மொத்தம் 16 எதிரிகளை கைது செய்யப்பட்டு நீதிமன்ற காவலில் இருந்து வருகின்றனர். மேலும் இவ்வழக்கில் சம்பந்தப்பட்ட எதிரிகளை காவல்துறையினர் தீவிரமாக தேடி வருகின்றனர்
