Police Department News

மதுரையில் டாக்டரை உருட்டு கட்டையால் தாக்கிய மினி பஸ் டிரைவர்-கண்டக்டர் கைது

மதுரையில் டாக்டரை உருட்டு கட்டையால் தாக்கிய மினி பஸ் டிரைவர்-கண்டக்டர் கைது

மதுரை தேனி மெயின் ரோட்டை சேர்ந்தவர் தினேஷ்பாபு வயது 31 இவர் தனியார் மருத்துவமனையில் டாக்டராக உள்ளார்.

நேற்று இரவு இவர் ஆஸ்பத்திரியில் இருந்து வீடு திரும்பி கொண்டிருந்தார். குரு தியேட்டர் சிக்னல் முன்பு, தனியார் மினிபஸ் வேகமாக மோதுவது போல நின்றது. இதை டாக்டர் தினேஷ் பாபு தட்டி கேட்டார். ஆத்திரம் அடைந்த மினி பஸ் டிரைவர், கண்டக்டர் ஆகியோர் உருட்டு கட்டையால் டாக்டரை தாக்கி விட்டு தப்பினர்.

இதில் தொடர்பு உடைய குற்றவாளிகளை கைது செய்ய வேண்டும் என்று போலீஸ் கமிஷனர் செந்தில்குமார் உத்தரவிட்டார். இதன்படி தெற்கு துணை கமிஷனர் சீனிவாச பெருமாள் மேற்பார்வையில், திலகர் திடல் உதவி கமிஷனர் சுவாதி ஆலோசனையின் பேரில் கரிமேடு இன்ஸ்பெக்டர் முகமது இத்ரீஸ் அடங்கிய தனிப்படை அமைக்கப்பட்டது.

அவர்கள் சம்பவ இடத்தில் பொருத்தப்பட்டு இருந்த கண்காணிப்பு காமிரா பதிவுகளை ஆய்வு செய்து பார்த்தனர். டாக்டர் தினேஷ் பாபுவை மினி பஸ் டிரைவர் அருண்குமார் உருட்டுக்கட்டையால் தாக்குவதும், கண்டக்டர் முனீஸ்வரன் மூக்கில் குத்துவதும் தெரிந்தது.

இதையடுத்து இருவரையும் போலீசார் கைது செய்தனர்.

Leave a Reply

Your email address will not be published.