சென்னையில் வக்கீல் கொலை வழக்கில் 3 பேர் நீதி மன்றத்தில் சரண்
சென்னையில் வக்கில் கொலை செய்யப்பட்ட வழக்கில் 3 பேர் விழுப்புரம் நீதி மன்றத்தில் சரணடைந்தனர். சென்னையை அடுத்த பெருங்குடி ராஜிவ் நகர் பகுதியை சேர்ந்தவர் ஜெய்கனேஷ் வயது 33, இவருடைய சொந்த ஊர் தூத்துக்குடி மாவட்டம் கோவில்பட்டியாகும் இவர் சென்னை சைதாபேட்டை கோர்ட்டில் வக்கிலாக பணிபுரிந்து வந்தார் ஜெய்கனேஷுவிற்கு திருமணமாகி முருகேஷ்வரி என்ற மனைவியும் 2 மகன்களும் உள்ளனர் ஜெய்கனேஷ் நேற்று முன்தினம் தனது நண்பர்களுடன் வெளியில் சென்று விட்டு அதே பகுதியில் உள்ள மைதானத்தில் கிரிக்கெட் விளையாடினார்
அதன் பிறகு வீடு திரும்பினார் ராஜிவ் நகர் முதல் மெயின் ரோட்டில் உள்ள தனது வீட்டின் அருகே சென்ற போது அவரை பின் தொடர்ந்து வந்த மர்ம கும்பல் திடீரென தங்கள் மறைத்து வைத்திருந்த கத்தி அரிவாள் ஆகிய ஆயுதங்களால் வக்கில் ஜெய்கனேஷை சரமாரியாக வெட்டினர்
இதில் உடலில் பல இடங்களில் பலத்த வெட்டு காயமடைந்த ஜெய்கனேஷ் ரத்த வெள்ளத்தில் சரிந்தார் பின்னர் அந்த கும்பல் அங்கிருந்து தப்பி ஓடி விட்டது. உயிருக்கு போராடிய அவரை அக்கம்பக்கத்தில் இருந்தவர்கள் மீட்டு ராயப்பேட்டையில் உள்ள அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த. மருத்துவர்கள் வரும் வழியிலேயே உயிரிழந்து விட்டதாக கூறினர். இந்த கொலை தொடர்பாக சென்னை மாநகர போலீஸ் கமிஷனர் திரு. சங்கர் ஜிவால் அவர்களின் உத்தரவின் பேரில் கூடுதல் கமிஷனர் பிரேமானந்த் சின்ஹா அவர்களின் மேற்பார்வையில் உதவி கமிஷனர் ஜீவானந்தம் துரைப்பாக்கம் இன்ஸ்பெக்டர் செந்தில்முருகன் ஆகியோர் வழக்கு பதிவு செய்து குற்றவாளிகளை தீவிரமாக தேடி வந்தனர். இந்த சம்பவம் சென்னையில் பெரும் பரபரப்பை ஏற்படுத்தியது. இந்த நிலையில் விழுப்புரம் நீதித்துறை நடுவர் கோர்ட்டில் வக்கீல் ஜெய்கனேஷை கொலை செய்ததாக சென்னை நுங்கம்பாக்கத்தை சேர்ந்த முருகன் பிரவின் மற்றும் ஸ்ரீதர் ஆகிய 3 பேர் நீதிபதி ராதிகா முன்பு சரணடைந்தனர் குற்றவாளிகளின் மீது தாக்குதல் நடத்தப்படலாம் என்பதால் கோர்ட் வளாகத்தில் துப்பாக்கி ஏந்திய போலீசார் குவிக்கப்பட்டுள்ளனர்
