மதுரை மாவட்டத்தில் 75 வது சுதந்திர தின விழாவை முன்னிட்டு, மதுரை மாவட்ட ஆயுதப்படை மைதானத்தில், மதுரை மாவட்ட ஆட்சியர் திரு. அனீஷ் சேகர். இ.ஆ.ப. அவர்கள், தேசியக் கொடியை ஏற்றினார்கள் மேலும், மதுரை மாவட்ட காவல் கண்காணிப்பாளர் திரு. V.பாஸ்கரன் அவர்களுடன் காவல்துறையினரின் அணிவகுப்பு மரியாதையை ஏற்றுக்கொண்டார்.
இவ்விழாவிற்கு தென் மண்டல காவல்துறைத் தலைவர் திரு. T.S. அன்பு I.P.S., அவர்கள், மதுரை மாநகர காவல் ஆணையர் திரு. பிரேம் ஆனந்த் சின்ஹா,I.P.S., அவர்கள், மதுரை சரக காவல்துறை துணைத் தலைவர் திரு.N. காமினி I.P.S., அவர்கள் கலந்து கொண்டனர்.
இதனை தொடர்ந்து கொரோனா நோய்த் தொற்று காலத்தில் மகத்தான பணிபுரிந்த மருத்துவர்கள், செவிலியர்கள், காவல்துறையினர், துப்புரவு பணியாளர்கள், நகராட்சி, மாநகராட்சி பணியாளர்கள், மற்றும் தன்னார்வலர்களின் மகத்தான பணியை போற்றும் விதமாக மாவட்ட ஆட்சித் தலைவர் பாராட்டு சான்றிதழ்கள் வழங்கி, வாழ்த்துக்களையும் பாராட்டுக்களையும் தெரிவித்தார்.
