பட்டாசுகளை பாதுகாப்பாக வெடிப்பது எப்படி?
தீபாவளி பண்டிகை நெருங்கி வருகிறது. இதையொட்டி விபத்துகளை தடுக்கும் வகையில் முன்னெச்சரிக்கை நடவடிக்கை எடுக்கப்பட்டு வருகிறது.
மதுரை மாவட்டத்தில் தீபாவளி பண்டிகையை முன்னிட்டு தீ விபத்து, படுகாயம் உள்ளிட்ட அசம்பாவிதங்களை தடுக்கும் வகையில் தீயணைப்பு படையினர் பல்வேறு பகுதிகளில் விழிப்புணர்வு நிகழ்ச்சிகளை நடத்தி வருகின்றனர். சுப்பிரமணியபுரம் குருகுலம் பள்ளியில் மாணவ- மாணவிகளுக்கு தீபாவளி விழிப்புணர்வு நிகழ்ச்சி நடத்தப்பட்டது.
பெரியார் தீயணைப்பு நிலைய அலுவலர் பாலமுருகன் தலைமையில் போலீசார், பட்டாசுகளை எவ்வாறு பாதுகாப்பாக வெடிப்பது? தீக்காயம் ஏற்பட்டால் எவ்வாறு சிகிச்சை அளிப்பது? குடிசை பகுதியில் பட்டாசு வெடிப்பதை தவிர்ப்பது, பட்டாசு வெடி விபத்தில் இருந்து சிறுவர்கள் மற்றும் முதியோரை பாதுகாக்க வேண்டியதன் அவசியம் ஆகியவை குறித்து விழிப்புணர்வு நிகழ்ச்சிகளை நடத்தினர்.
இதில் 100-க்கும் மேற்பட்ட மாணவ- மாணவிகள் பங்கேற்றனர்.
