மதுரை அண்ணாநகர் பகுதியில் பாட்டியின் முகத்தை துணியால் மூடி நகைகளை திருடிய பேரன், அண்ணாநகர் போலீசார் விசாரணை
மதுரை மாநகர் அண்ணாநகர் பகுதியில் சரஸ்வதி என்ற மூதாட்டி தனியே வசித்து வருகிறார். இவருடைய மகன் அதே பகுதியில் மனைவி மற்றும் குழந்தைகளுடன் தனியே வசித்து வருகிறார்.
இந்த நிலையில் சம்பவம் நடந்த அன்று மூதாட்டி தனது வீட்டில் சாமி கும்பிட்டு கொண்டிருந்தார். சாமி கும்பிட்டுக்கொண்டிருக்கும் போது 2 மர்ம நபர்கள் வீட்டிற்குள் புகுந்து ஒருவன் மூதாட்டியின் முகத்தை துணியால் மூடி சத்தம் போடாமல் இருக்க வேண்டும் என்று மிரட்டியுள்ளான். மேலும் மற்றொரு நபர் மூதாட்டி கழுத்தில் அணிந்திருந்த 26 பவுன் தங்க நகையை பறித்துள்ளான்.
பின்னர் இருவரும் அங்கிருந்து தப்பி சென்றுள்ளனர். அதன்பின் மூதாட்டி சத்தம் போட அருகில் இருந்தவர்கள் வந்து விசாரித்தனர். இதனையடுத்து அந்த சம்பவம் குறித்து அண்ணாநகர் காவல் நிலையத்திற்கு தகவல் கொடுக்கப்பட்டுள்ளது. இந்த தகவலின் பேரில் அண்ணாநகர் காவல் நிலையத்தின் காவலர்கள், சம்பவ இடத்திற்கு விரைந்து வந்து விசாரணை நடத்தியுள்ளனர் இந்த விசாரணையில் மூதாட்டியிடமிருந்த நகைகள் மீது ஆசைப்பட்டு அவருடைய பேரன் மற்றும் அவரது நண்வர் இருவரும் சேர்ந்து நகைகளை பறித்து சென்றது காவல்துறையினருக்கு தெரிய வந்தது. இதனையடுத்து தன்னுடைய பேரன்தான் நகையை திருடியது என்பதை உணர்ந்த மூதாட்டி தன்னுடைய நகைகள் பத்திரமாக வேறொரு இடத்தில் வைத்திருப்பதாகவும் அதனால் இந்த வழக்கை வாபஸ் வாங்குகிறேன் எனவும் காவல் துறையினரிடத்தில் கூறியிருக்கிறார் ஆனாலும் காவல்துறையினர் அவருடைய மகன் மற்றும் குடும்பத்தினரை அனைவரையும் அழைத்து விசாரணை நடத்தி வருகின்றனர்.
