மதுரையில் 9 கிலோ கஞ்சாவை கடத்திய இரு பெண்கள் உட்பட மூவர் கைது
மதுரையில் 9 கிலோ கஞ்சாவை கடத்தியதாக இரு பெண்கள் உள்பட மூவரை போலீசார் புதன்கிழமை கைது செய்தனர்.மதுரை முத்துப்பட்டி பகுதியில் கஞ்சா கடத்தப்படுவதாக c2 சுப்பிரமணியபுரம் போலீசாருக்கு கிடைத்த தகவலின் பேரில் காவல் உதவி ஆய்வாளர் கார்த்திக் ரகுநாத் தலைமையிலான போலீசார் முத்துப்பட்டி பெருமாள் நகர் பகுதியில் செவ்வாய்க்கிழமை இரவு கண்காணிப்பில் ஈடுபட்டனர். அப்போது சந்தேகத்துக்கிடமாக வந்த இரு பெண்கள் உள்ளிட்ட மூவரை பிடித்து சோதனையிட்டனர்.மூவரும் 9 கிலோ கஞ்சாவை கடத்தி வந்தது தெரிய வந்தது. இதையடுத்து மூவரையும் காவல் நிலையம் அழைத்துச் சென்று விசாரித்த போது இவர்கள் கீழ முத்துப்பட்டி கென்னட் நகரைச் சேர்ந்த ஈஸ்வரி வயது (47) முத்துப்பட்டி வீரமுடையான் முதல் தெருவை சேர்ந்த பிரேமா வயது (20) மற்றும் செல்லூர் அஹிம்சாபுரம் இரண்டாவது தெருவை சேர்ந்த பொன் கார்த்திக் வயது(36) என்பதும் கஞ்சாவை விற்பனைக்காக இரு சக்கர வாகனம் மூலம் கடத்தி வந்தது தெரிய வந்தது. இதையடுத்து போலீசார் மூவரையும் கைது செய்து 9 கிலோ கஞ்சா மற்றும் ரூ,14,200 இருசக்கர வாகனம் ஆகியவற்றை பறிமுதல் செய்தனர்
