சிறுமியின் மனதை திருடிய திருடன், காதல் பிரிவால் தற்கொலை செய்துகொண்ட மாணவி..!!!
சிவகங்கை மாவட்டம் தேவகோட்டை பகுதியில் வசித்து வருபவர் பஞ்சவர்ணம். இவரது கணவர் சீமான் சிங்கப்பூரில் வேலை பார்த்து வரும் நிலையில், பஞ்சவர்ணம் 16 வயது மகன் மற்றும் 15 மகளுடன் வசித்து வருகிறார். இந்நிலையில், கடந்த வெள்ளிக்கிழமை அன்று பஞ்சவர்ணம் கோயிலுக்கும், மகன் பள்ளிக்கும் சென்று விட்ட நிலையில் மகள் ரோஷினி மட்டும் வீட்டில் தனியாக இருந்துள்ளார். அப்போது, ரோஷினி தனது அறையில் உள்ள மின்விசிறியில் தூக்கிட்டு தற்கொலை செய்துகொண்டார்.
இதையடுத்து கோயிலுக்குச் சென்று வீட்டுக்கு வந்த பஞ்சவர்ணம், மகள் தூக்கில் சடலமாக தொங்குவதை பார்த்து கதறி துடித்தார். இதுகுறித்து சம்பவம் அறிந்து வந்த தேவகோட்டை போலீசார் ரோஷினியின் உடலை பிரேத பரிசோதனைக்காக மாவட்ட அரசு மருத்துவமனைக்கு அனுப்பி வைத்து விட்டு விசாரணை நடத்தினர். விசாரணையில் திடுக்கிடும் தகவல்கள் வெளியாகின. அதாவது, பஞ்சவர்ணம் இதற்கு முன்பு ராமநாதபுரத்தில் உள்ள சிறுகம்பையூர் கிராமத்தில் குடும்பத்துடன் வசித்து வந்தார்.
அப்போது, அறியாதமொழி கிராமத்தைச் சேர்ந்த திலீபன் (24) என்ற வாலிபர் சிறுகம்பையூரில் உள்ள சித்தியின் வீட்டுக்கு அடிக்கடி வந்து சென்றார். அந்த சூழலில் ரோஷினிக்கும், திலீபனுக்கும் இடையே பழக்கம் ஏற்பட்டு காதலாக மாறியுள்ளது. இந்நிலையில், ஒருநாள் ரோஷினி காணாமல் போகவே அவரை குறித்து பஞ்சவர்ணம் போலீசில் புகார் அளித்தார். விசாரித்து வந்த போலீசார், ரோஷினி திலீபனுடன் சேர்ந்து வீட்டை விட்டு ஓடியதை கண்டு பிடித்தனர்.
24 மணி நேரமும் தொந்தரவு, கர்ப்பம் அடைந்த பின்பும் கொடுமை, கணவனுக்கு சோற்றில் விஷம்
பின்னர் ரோஷினியை மீட்டு அறிவுரை கூறி வீட்டுக்கு அனுப்பி வைத்தனர். இதையடுத்து, பஞ்சவர்ணம் மகன், மகளை அழைத்துக்கொண்டு தேவகோட்டை பகுதிக்கு குடியேறினார். இந்நிலையில் ரோஷினி மீண்டும் திலீபனுடன் சென்று விட்டார். மீண்டும் போலீசில் புகார் அளிக்கப்பட்டு போலீசார் ரோஷினியை மீட்டு மகளிர் காப்பகத்தில் அடைத்துள்ளனர்.
ஆனால், மாணவியின் பள்ளி படிப்பை கருத்தில்கொண்டு சில நாட்கள் கழித்து வீட்டுக்கு அனுப்பி வைத்தனர். இந்நிலையில்தான் காதலனை பிரிய முடியாமல் ரோஷினி சம்பவத்தன்று தற்கொலை செய்துகொண்டதாக கூறப்படுகிறது. மேலும் திலீபன் மீது ஏற்கனவே திருட்டு வழக்கில் கைதாகியிருப்பதும், தற்போது அவர் சிறையில் இருப்பதும் தெரிய வந்தது,
காதலன் ஒரு திருடன் என்பதை தெரியாமல் காதல் சோகத்தில் தற்கொலை செய்துகொண்ட 15 வயது சிறுமியின் செயல் அப்பகுதியில் பெரும் அதிர்ச்சியை ஏற்படுத்தியுள்ளது.
