ஈரோடு மாவட்டம் பவானி அருகே பிக்கப் வேனில் மது பாட்டில் கடத்தல் 3 நபர் கைது, 743 மது பாட்டில் பறிமுதல்
ஈரோடு மாவட்டம், பவானி அருகிலுள்ள அம்மாபேட்டை சின்ன பள்ளம் செக் போஸ்டில் நேற்று பணியிலிருந்த சிறப்பு உதவி ஆய்வாளர் கோபால் அவர்கள் வாகன சோதனையில் ஈடுபட்டிருந்தார். அப்போது அவ்வழியாக வந்த பிக்கப் வேன் ஒன்றை நிறுத்தி சோதனை மேற்கொண்டார்.
அப்போது அந்த வேனின் கீரை கட்டுகளை அடுக்கி வைத்து அதற்கு உள்ளே 743 மது பாட்டில்கள் கொண்டு வரப்பட்டுள்ளது கண்டுபிடிக்கப்பட்டது. இதனை தொடர்ந்து அந்தியூர் பிரம்மதேசம் பகுதியில் வசிக்கும் குகானந்தன், வயது 38,/21 சந்துரு வயது 20/21, மற்றும் சிறுவர் வெங்கடேஷ் வயது 17/21, ஆகிய 3 பேரை அம்மாபேட்டை போலீசார் கைது செய்தனர். மேலும் 743 மது பாட்டில்கள் பறிமுதல் செய்தனர்.
