இருசக்கர வாகனத் திருட்டில் ஈடுபட்டு வந்த நபர் கைது. அவரிடமிருந்து 16 இருசக்கர வாகனங்களை பறிமுதல் செய்த திண்டுக்கல் மாவட்ட காவல்துறையினர்
13.07.2022 திண்டுக்கல் மாவட்டம் நகர் பகுதியில் தொடர்ந்து இருசக்கர வாகனங்கள் திருடு போனது தொடர்பாக நகர் வடக்கு காவல் நிலையத்தில் வழக்கு பதிவு செய்யப்பட்டு விசாரணை மேற்கொள்ளப்பட்டது.
இதனையடுத்து மாவட்ட காவல் கண்காணிப்பாளர் திரு.V.பாஸ்கரன் அவர்களின் உத்தரவின் பேரில் திண்டுக்கல் நகர் உட்கோட்ட காவல் துணைக் கண்காணிப்பாளர் திரு.கோகுலகிருஷ்ணன் அவர்கள் மேற்பார்வையில் திண்டுக்கல் நகர் வடக்கு காவல் நிலைய ஆய்வாளர் திரு.உலகநாதன் அவர்கள் தலைமையில் நகர் உட்கோட்ட குற்ற தடுப்புபிரிவு காவல்துறையினர் நகர் பகுதியில் உள்ள சிசிடிவி கேமராக்களை ஆய்வு செய்ததில் மேற்படி இருசக்கர வாகன திருட்டில் ஈடுபட்ட நபர் ஆத்தூர் அருகே உள்ள குறும்பபட்டியை சேர்ந்த ஜெயராம் (எ) நல்லமணி ஜெயராம்(52) என்பவர் என தெரிய வந்தது, இதையடுத்து திருட்டில் ஈடுபட்ட நபரை கைது செய்து அவரிடமிருந்து 16 இருசக்கர வாகனங்களை காவல்துறையினர் பறிமுதல் செய்தனர்.
