திருவாரூரில் வாகன விபத்து கல்லூரி மாணவி பலி

திருவாரூரில் வாகன விபத்து கல்லூரி மாணவி பலி

திருவாரூர் அருகே லாரி சக்கரத்தில மோட்டார் சைக்கிள்சிக்கி கல்லூரிமாணவி சாவு : இருவர் காயம்லாரி டிரைவர் கைது

திருவாரூர் அருகே லாரி சக்கரத்தில் மோட்டார் சைக்கிள் சிக்கியதில் கல்லூரி மாணவி இறந்தார். இரண்டுபேர் காயமடைந்தனர். இதுதொடர்பாக லாரி டிரைவரை போலீசார் கைது செய்தனர்.

திருவாரூர் அருகே குளிக்கரை கிராமத்தில் வசித்து வருபவர் குமார். விவசாயி. இவருடைய மகள் அபிராமி வயது 21 அதே ஊரில் வசித்து வருபவர் பாலசுப்பிரமணியன். இவருடைய மகள் சினேகா வயது 21 அபிராமி மற்றும் சினேகா ஆகிய இருவரும் திருவாரூர் அருகே கிடாரங்கொண்டானில் இயங்கி வரும் திரு.வி.க. அரசு கலை கல்லூரியில் பி.காம். மூன்றாம் ஆண்டு படித்து வந்தனர்.

இந்தநிலையில் கல்லூரி இறுதி ஆண்டு தேர்வு தாள்களை அஞ்சல் மற்றும் கூரியர் மூலமாக அனுப்பி வைக்குமாறு கல்லூரி நிர்வாகம் மாணவ-மாணவிகளுக்கு தெரிவித்துள்ளது. இருப்பினும் கல்லூரி அருகே வசிப்பவர்கள் தேர்வு தாள்களை நேரடியாக கல்லூரி நிர்வாகத்திடம் வழங்கி வருகின்றனர்.

இதேபோன்று தேர்வு தாள்களை கல்லூரியில் கொடுப்பதற்காக அபிராமி மற்றும் சினேகா இருவரும் நேற்று கல்லூரிக்கு சென்றுள்ளனர். இவர்கள் இருவரையும் அபிராமியின் தம்பி முத்துக்குமார் வயது 18 என்பவர் மோட்டார்சைக்கிள் மூலம் வீட்டிலிருந்து கல்லூரிக்கு அழைத்து சென்றுள்ளார்.

அப்போது திருவாரூரை அடுத்த சீனிவாசபுரம் என்ற இடம் அருகே தேசிய நெடுஞ்சாலையில் வளைவு ஒன்றில் எதிரே வந்த லாரியின் சக்கரத்தில் எதிர்பாராதவிதமாக மோட்டார் சைக்கிள் மோதி விபத்துக்குள்ளானது.

இதில் முத்துக்குமார் மற்றும் அவரது பின்புறத்தில் அமர்ந்திருந்த அக்கா அபிராமி, சினேகா ஆகிய 3 பேரும் படுகாயமடைந்தனர். அவர்கள் உடனடியாக திருவாரூர் அரசு மருத்துவக்கல்லூரி மருத்துவமனையில் சேர்க்கப்பட்டனர். அபிராமி சிகிச்சை பலனின்றி உயிரிழந்தார்.

இதுகுறித்து திருவாரூர் தாலுகா போலீசார் வழக்குப்பதிவு செய்து லாரி டிரைவர் திருவாரூர் மேட்டு தெருவை சேர்ந்த சக்திவேல் வயது 49 என்பவரை கைது செய்து விசாரணை நடத்தி வருகின்றனர்.