படியில் பயணம் நெடியில் மரணம் மாணவர்களுக்கு போக்குவரத்து காவல் ஆய்வாளர் விழிப்புணர்வு
மதுரை மாநகர பேருந்துகளில் மாணவ மாணவியர்கள் படிக்கட்டில் பயணம் செய்வது அதிகரித்து வருகிறது எனவே அவற்றை முற்றிலுமாக தடுத்து நிறுத்தும் பணியில் போக்குவரத்து போலிசார் தீவிரமாக ஈடுபட்டு வருகின்றனர். இதன் ஒரு பகுதியாக மதுரை சொக்கிகுளம் பி.டி. ராஜன் ரோட்டில் உள்ள பாண்டியன் நெடுஞ்செழியன் மாநகராட்சி மேல் நிலை பள்ளியில் தல்லாகுளம் போக்குவரத்து காவல் ஆய்வாளர் திரு. சுரேஷ் அவர்கள் சிறப்பு விருந்தினராக கலந்து கொண்டு மாணவர்கள் படிக்கட்டில் பயணம் செய்வதால் ஏற்படும் ஆபத்துகள் மற்றும் பஸ்ஸில் பாதுகாப்பாக பயணம் செய்வது குறித்து விரிவாக எடுத்து கூறி விழிப்புணர்வு ஏற்படுத்தினார். இந்த நிகழ்ச்சியில் 50 க்கும் மேற்பட்ட மாணவ மாணவியர்கள் கலந்து கொண்டனர்.
