பொதுமக்களுக்கு சென்னை பெருநகர காவல் ஆணையர் எச்சரிக்கை, அரங்கேறும் வினோத மோசடிகள்
அமேசான் நிறுவனத்திலிருந்து அனுப்புவது போல் கிப்டு கார்டு அனுப்பி பண மோசடி செய்யும் குற்ற செயல் குறித்த விழிப்புணர்வு அறிக்கை ஒன்றை சென்னை காவல் ஆணையர் சங்கர்ஜிவால் அவர்கள் வெளியிட்டுள்ளார். அந்த அறிக்கையில் கூறியதாவது சைபர் குற்றவாளிகள் நாள் தோறும் தங்களது குற்ற வகையினை மாற்றி கொண்டு புது யுக்தியினை கையாண்டு மக்களை ஏமாற்றி பணம் பறித்து வருகின்றனர் தற்போது அமேசான் ஆன்லைன் ஷாப்பிங்க் நிறுவனத்தின் ஒன்பதாவது ஆண்டு நிறைவு விழா கொண்டாட்டத்தை முன்னிட்டு லக்கி டிரா பரிசு போட்டி நடத்தியதாகவும் அதில் நீங்கள் வெற்றியாளராக தேர்ந்தெடுக்கப்பட்டுள்ளீர்கள் என்றும் ஒரு கடிதம் வீட்டிற்கு அனுப்பபடுகிறது.
அமேசான் நிறுவனத்தின் லோகோ பதிக்கப்பட்டுள்ள அந்த கடிதத்தில் வெற்றியாளர்களுக்கு கிடைக்கும் பரிசுகள் என்று ஸ்மார்ட் டிவி பிரிட்ஜ் வாசிங் மிஷின் ஸ்மார்ட் போன் லேப்டாப் மற்றும் ரொக்கத்தொகை ஆகியவை குறிக்கப்பட்டிருக்கும் அந்த கடிதத்துடன் ஒரு ஸ்கிராட்ச் கார்டு கூப்பன் சேர்க்கப்பட்டிருக்கும் கூப்பனை ஸ்கிராட்ச் செய்து அதில் உள்ள குறியீட்டு கோடினை கடிதத்தில் குறிப்பிட்டுள்ள ஹெல்ப் லைன் நம்பருக்கு போன் செய்து தெரிவிக்க வேண்டும் என்றும் குறிப்பிடப்பட்டிருக்கும்
இதை நம்பி தொடர்பு கொள்ளும் போது மக்களிடம் குற்றவாளிகள் விலை மதிப்புள்ள பரிசுகள் பொதுமக்களின் பெயரில் விழுந்திருப்பதாக கூறுவர் அந்த பரிசு அல்லது ரொக்கத்தை பெற IGST CGST SGST போன்ற வரிகளை கட்ட வேண்டும் என்று கூறி பணம் அனுப்ப சொல்லுவார்கள் அதை அனுப்பும் பட்சத்தில் மேலும் சுரண்ட சேவை வரி வருமான வரி என்று கூறி பணம் அனுப்பசொல்லி ஏமாற்றுவர்
ஆனால் பரிசோ பணமோ பொது மக்களுக்கு வந்து சேராது எனவே பொதுமக்கள் எனவே பொதுமக்கள் பெரிய நிறுவனங்களிருந்து பரிசு விழுந்திருப்பதாக கடிதமோ இமெயிலோ வந்தாலோ போன் அல்லது வாட்ஸ்அப்பிலோ தொடர்பு கொண்டு யாரேனும் பேசினாலோ அதை நம்பி பணம் அனுப்ப வேண்டாம் என கேட்டு கொள்ளப்படுகிறார்கள் இது போன்ற மோசடி செயல்களில் இருந்து தங்களை பாதுகாத்து கொள்ள எச்சரிக்கையுடனும் விழிப்புடனும் இருக்குமாறு சென்னை பெருநகர ஆணையர் திரு. சங்கர்ஜிவால் அவர்கள் பொதுமக்களை
கேட்டுக்கொண்டுள்ளார்.
