மதுரை மாநகரில் டிரைவரை தாக்கியவர் கைது
மதுரை யாகப்பா நகர் சக்தி மாரியம்மன் கோயில் தெருவை சேர்ந்தவர் சுருளி வயது( 25) இவர் மது போதையில் அப்பகுதி மக்களிடம் அடிக்கடி தகராறு செய்து வந்துள்ளார். இதன்படி கடந்த 26 ஆம் தேதி இரவு வண்டியூர் தீர்த்தக்காடு பகுதியில் மது போதையில் சுற்றி வந்த அவர் அப்பகுதியில் நின்றிருந்த சிறுவர்களிடம் தகராறு செய்துள்ளார். இதனை பார்த்த அதே பகுதியைச் சேர்ந்த மணிகண்டன் வயது ( 32 ) என்ற சரக்கு ஆட்டோ டிரைவர் சுருளியை கண்டித்துள்ளார். இதனால் அவர்கள் இருவருக்கும் இடையே கடும் வாக்கு வாதம் ஏற்பட்டுள்ளது. இதில் ஆத்திரமடைந்த சுருளி அறிவாளால் மணிகண்டனை சரமாரியாக தாக்கியுள்ளார். இதில் காயமடைந்த அவர் கொடுத்த புகாரின் பேரில் அண்ணாநகர் போலீசார் வழக்குப்பதிவு செய்து சுருளியை கைது செய்து சிறையில் அடைத்தனர்.
