மூதாட்டிக்கு கொலை மிரட்டல் தம்பதியினர் கைது
முன்விரோதம் காரணமாக மூதாட்டிக்கு கொலை மிரட்டல் விடுத்த தம்பதியை போலீசார் கடந்த வெள்ளிக்கிழமை கைது செய்தனர்.
மதுரை பெத்தானியாபுரம் அண்ணா பிரதான சாலை சுப்பையா குடியிருப்பை சேர்ந்த ஹரி கிருஷ்ணன் மனைவி செல்வி வயது 62 இவருக்கும் அதே தெருவில் வசித்து வரும் ராஜேஷ் ரகு என்பவர் குடும்பத்துக்கும் இட பிரச்சனை முன் விரோதம் இருந்தது. இந்த நிலையில் செல்வியை பார்க்க அவரது உறவினர்கள் கடந்த வெள்ளிக்கிழமை வந்தனர். அப்போது ராஜேஷ் ரகு வயது 42 இவரது மனைவி ஜமுனா ராணி வயது 38 ஆகிய இருவரும் தகராறு ஈடுபட்டு செல்விக்கு கொலை மிரட்டல் விடுத்தனர். இது குறித்த புகாரின் பேரில் கரிமேடு போலீசார் வழக்கு பதிந்து ராஜேஷ் ரகு ஜமுனா ராணி ஆகிய தம்பதியை கைது செய்தனர்.
