மாநில அளவிலான மூத்தோர் தடகள போட்டியில் பதக்கம் வென்ற காவலர்களுக்கு காவல் ஆணையர் பாராட்டு
தமிழ்நாடு 42 வது மாநில மூத்தோர் தடகள போட்டிகள் மதுரை மாவட்டத்தில் நடைபெற்றது. இதில் காவல்துறை அணி சார்பில் மதுரை மாநகர் மதிச்சியம் காவல்நிலையத்தை சேர்ந்த சிறப்பு சார்பு ஆய்வாளர் திரு. C.T.சிதம்பரம் என்பவர் ஈட்டி எறிதல் போட்டியில் தங்கப்பதக்கமும், 110 மீட்டர், 400 மீட்டர் தடைதாண்டும் ஓட்டப்பந்தயங்களில் இரண்டு வெள்ளி பதக்கங்களும், நகர் மத்திய போக்குவரத்து சிறப்பு சார்பு ஆய்வாளர் திருமதி. ஹேமலதா என்பவர் சம்மட்டி எறிதல் போட்டியில் வெள்ளிப்பதக்கமும், கரிமேடு காவல்நிலைய சிறப்பு சார்பு ஆய்வாளர் திரு. குமரேசன் என்பவர் 400 மீட்டர் தடைதாண்டுதல் ஓட்டப்பந்தயத்தில் வெள்ளி பதக்கமும், இணையவழி குற்றப்பிரிவு காவல்நிலைய தலைமை காவலர் திரு.M.முனீஸ்வரன் என்பவர் மூன்று முறை நீளம்தாண்டுதல் போட்டியில் வெள்ளி பதக்கமும், மதிச்சியம் போக்குவரத்து தலைமை காவலர் திரு. செந்தில்குமார் உயரம் தாண்டுதலில் தங்கப்பதக்கமும், செல்லூர் காவல்நிலைய தலைமை காவலர் திரு. ஜெயசந்திரபாண்டி என்பவர் 400 மீட்டர் தடைதாண்டுதல் ஓட்டப்பந்தயத்தில் தங்கப்பதக்கமும், 4*400 தொடர் ஓட்டப்பந்தயத்தில் வெள்ளிப்பதக்கமும், 800 மீட்டர் ஓட்டப்பந்தயத்தில் வெண்கலப்பதக்கமும், அனைத்து மகளிர் காவல்நிலைய தலைமை காவலர் திருமதி. புவனேஸ்வரி என்பவர் உயரம் தாண்டுதல் போட்டியில் வெண்கலப்பதக்கமும், மாநகர ஆயுதப்படை முதன்மை பெண் காவலர் திருமதி. தங்கபெனிலா என்பவர் 200 மீட்டர், 400 மீட்டர் ஓட்டப்பந்தயங்களில் இரண்டு தங்க பதக்கங்களும், 800 மீட்டர் ஓட்டப்பந்தயத்தில் வெள்ளி பதக்கமும் வென்றனர். வெற்றிபெற்ற அனைவரையும் மதுரை மாநகர் காவல் ஆணையர் முனைவர். ஜெ.லோகநாதன், இ.கா.ப., அவர்கள் நேரில் அழைத்து தனது பாராட்டுக்களையும், வாழ்த்துக்களையும் தெரிவித்தார்.
