காவலர்களுக்கு உற்சாகத்தை ஏற்படுத்தும் விதமாக விளையாட்டுக்கள் தென்காசி உட்கோட்டத்தில் நடைபெற்றது
தென்காசி மாவட்ட காவல்துறையினர் தங்களது குடும்பத்தை விட்டு கிறிஸ்துமஸ், புத்தாண்டு, பொங்கல் மற்றும் ஜல்லிக்கட்டு ஆகிய தொடர்ச்சியான விழாக்களுக்கான பாதுகாப்பு பணிகளில் அயராது பணியாற்றிய நிலையில் அவர்களின் பணிகளை குறைத்து உற்சாகத்தை ஏற்படுத்தும் விதமாக தென்காசி மாவட்ட காவல் கண்காணிப்பாளர் திரு S. அரவிந்த் அவர்களின் உத்தரவின் பேரில் வாரந்தோறும் சனிக்கிழமை காலை பொழுதில் காவல்துறையினர் வழக்கம்போல் லத்தி மற்றும் துப்பாக்கிகளை வைத்து நடத்தும் கவாத்து பயிற்சியினை மேற்கொள்ளாமல் ஓர் மாற்றமாக நடை பயிற்சி (Road Walk & Run) நடைபெற்றது. தென்காசி உட்கோட்ட துணை காவல் கண்காணிப்பாளர் திரு. தமிழினியன் அவர்களின் மேற்பார்வையின் கீழ் தென்காசி காவல் நிலைய சரகம் குத்துக்கல்வலசையில் நடைபெற்ற நடை பயிற்சியில் (Road Walk and Run) தென்காசி உட்கோட்டத்தைச் சேர்ந்த காவல் ஆய்வாளர்கள், சார்பு ஆய்வாளர்கள் உட்பட சுமார் 100 க்கும் மேற்பட்ட காவலர்கள் கலந்து கொண்டனர் மேற்படி நிகழ்ச்சியின் ஒரு பகுதியாக காவல்துறை கண்காணிப்பாளர் அவர்கள் தென்காசி உட்கோட்டத்தில் உள்ள காவல் ஆய்வாளர்களால் நடைபெற்றதில் கலந்து கொண்ட காவலர்களுக்கு மன மகிழ் விளையாட்டுகள் (Mind Games) நடத்தப்பட்டது. இந்த விளையாட்டு நிகழ்ச்சியில் காவல் அலுவலர்கள் அனைவரும் தங்கள் கவலைகளை மறந்து மகிழ்ச்சியாகவும் ஆர்வத்துடனும் சிரித்து கேலி செய்து மிக மகிழ்ச்சியுடனும் ஆர்வத்துடனும் பங்கேற்று மகிழ்ந்தனர். விளையாட்டில் வெற்றி பெற்ற காவலர்களை அனைத்து காவல் அதிகாரிகளும் கைத்தட்டி பாராட்டினர். காவல் கண்காணிப்பாளர் மற்றும் துணை காவல் கண்காணிப்பாளர் அவர்களால் ஏற்பாடு செய்யப்பட்ட இந்த நிகழ்ச்சி வெகுவாக வரவேற்றனர்.
