மதுரை புதூர் பகுதியில் பள்ளி மாணவர்களுக்கு சாலை விதிகள் பாதுகாப்பு விழிப்புணர்வு நிகழ்ச்சி
மதுரை மாநகர் போலீஸ் கமிஷனர் லோகநாதன் அவர்களின் உத்தரவின்படி போக்குவரத்து காவல் துணை ஆணையர் வனிதா அவர்களின் அறிவுறுத்தலின்படி மதுரை மாநகரில் பேருந்து பயணம் மேற்கொள்வது குறித்து விழிப்புணர்வு பொதுமக்கள் மற்றும் மாணவ மாணவிகளுக்கு வழங்கப்பட்டு வருகிறது
அதன் ஒரு பகுதியாக புதூர் காவல் நிலையத்திற்கு உட்பட்ட அல் அமீன் மேல்நிலைப் பள்ளியில் போக்குவரத்து போலீசார் சாலை விதிகள் குறித்து விழிப்புணர்வு நிகழ்ச்சி நடத்தினர் இதில் மாணவர்களுக்கு பேருந்தில் பயணிக்கும் போது படிக்கட்டில் தொங்கிக் கொண்டு அல்லது படிக்கட்டில் நின்று கொண்டும் செல்லக்கூடாது அதனால் ஏற்படக்கூடிய பொருளாதார ரீதியான, உடல் ரீதியான, மனரீதியான விபரீதங்கள், மற்றும் ஆபத்துகள் குறித்து எடுத்துரைத்து விழிப்புணர்வை வழங்கினர் மேலும் பத்தாம் வகுப்பு மாணவர்கள் அரசு பொதுத் தேர்வை எவ்வாறு எதிர்கொண்டு வெற்றி பெறுவது என்பது குறித்தும் அறிவுரையை மாட்டுத்தாவணி போக்குவரத்து காவல் ஆய்வாளர் சுரேஷ் அவர்கள் வழங்கினர் இதில் பள்ளி தலைமை ஆசிரியர் மற்றும் போக்குவரத்து காவல் உதவி ஆய்வாளர் விஸ்வநாதன் சிறப்பு உதவி ஆய்வாளர் அழகர்சாமி ஆகியோர் பங்கேற்றனர்.
