மதுரை அண்ணா நகரில்,பழ வியாபாரியிடம் கத்தியை காண்பித்து, மிரட்டி பணம் பறித்தவர் கைது
மதுரை மாவட்டம், அண்ணாநகர், E3, காவல் நிலைய சரகத்திற்கு உட்பட்ட பகுதியான கருப்பாயூரிணி, மீனாட்சி கார்டனில் வசித்து வருபவர் சீனிவாசன் மகன் கருப்பசாமி, இவர் அண்ணாநகர், சுகுணா ஸ்டோர்ஸ் அருகே உள்ள நவீன் பேக்கரி அருகில் தள்ளு வண்டியில் பழம் வியாபாரம் செய்து வருகிறார்.
சென்ற 5 ந் தேதி காலை சுமார் 8 மணியளவில் பழ வியாபாரம் செய்வதற்காக மஸ்தான் பட்டியிலிருந்து பாண்டியன் கோட்டை ரோடு வழியாக பவர் ஸ்டேஷன் அருகில் நடந்து வரும் போது, மதிச்சியம் வைகை வடகரை புளியந் தோப்பு பகுதியை சேர்ந்த கார்த்திக் என்ற அண்டங்கார்த்திக் வந்து தண்ணியடிக்கனும், ஒழுங்கா கையிலிருக்கும் பணத்தை கொடு என கேட்க நீ யார் நான் எதற்கு உனக்கு பணந் தரனும் என கேட்டுள்ளார், அதற்கு என்னையை யார் என்று கேட்கிறாயா! என் மேலே கொலை வழக்கு , வெடிகுண்டு வழக்கு என பல வழக்கு உள்ளது நான் கேட்டா பணம் இல்லையினு சொல்கிறாயா, என சொல்லி கொண்டே மறைத்து வைத்திருந்த பெரிய வாளை எடுத்து கருப்பசாமியின் இடுப்பில் வைத்து அழுத்தி கொண்டே , பையில் இருந்த 310 ரூபாயை பறித்துக் கொண்டு ஓடினான். கருப்பசாமி சத்தம் போடவும் அந்த வழியில் வந்தவர்கள் அவனை பிடிக்க முயற்சி செய்தனர், ஆனால் அவன் வாளை காண்பித்து யாராவது என்னை பிடிக்க முயற்சி செய்தால் குத்தி கொன்று விடுவேன் என மிரட்டிக் கொண்டே ஓடி விட்டான். இதனை தொடந்து கருப்பசாமி, அண்ணாநகர் E3, காவல் நிலையத்தில் புகார் செய்தார்,
புகாரை பெற்றுக் கொண்ட காவல் துறையினர் ஆய்வாளர் பூமிநாதன் அவர்களின் உத்தரவின்படி சார்பு ஆய்வாளர் திரு. ராஜ்குமார் அவர்கள் வழக்கு பதிவு செய்து கார்த்திக் என்ற அண்டங்கார்த்திகை கைது செய்தனர்.
போலீஸ் இ நியூஸிற்காக
மதுரை மாவட்ட செய்தியாளர்கள்
M.அருள்ஜோதி
S.செளகத்அலி
