புதுக்கோட்டை மாவட்டத்தில் காவலர் தேர்வு சிறப்பு உதவி மையம் துவக்கம்.
தமிழ்நாடு சீருடை பணியாளர் தேர்வுக்குழுமம் இரண்டாம் நிலை காவலர், சிறைக்காவலர் மற்றும் தீயணைப்பாளர் பதவிகளுக்கான
-2020 ஆம் ஆண்டு தேர்வுக்கு
இணைய வழி மூலம் விண்ணப்பம் செய்வதற்கான
உதவி மையத்தை மாவட்ட காவல் கண்காணிப்பாளர் முனைவர்.லோக.பாலாஜி சரவணன் அவர்கள் மாவட்ட காவல் அலுவலகத்தில் துவக்கி வைத்துள்ளார்கள்.
தமிழ்நாடு சீருடை பணியாளர் தேர்வு குழுமம் இரண்டாம் நிலை காவலர், சிறைக்காவலர் மற்றும் தீயணைப்பாளர் பதவிகளுக்கு 2020ம் ஆண்டிற்கான பொதுத்தேர்வு குறித்து கடந்த 17.09.2020 அன்று அறிவிப்பு வெளியிட்டு, அதில் கலந்து கொள்ள விண்ணப்பிக்க விரும்புவர்கள் www.tnusrbonline.org இணையதளத்தின் மூலம் 26.09.2020 முதல் 26.10.2020 வரை விண்ணப்பம் செய்யலாம் என அறிவிப்பு வெளிவந்துள்ளது.
அதன்படி மேற்படி இணையதளத்தின் மூலம் விண்ணப்பதிவுகள் நடைபெற்று வருகிறது. இதில் இணையதளத்தின் மூலம் விண்ணப்பம் செய்பவர்களுக்கு சந்தேகம் ஏற்பட்டால் அவற்றை தெளிவுபடுத்திக் கொள்ளவும், அவர்களுக்கு உதவவும் புதுக்கோட்டை மாவட்ட காவல் அலுவலகத்தில் அதற்கான உதவி மையத்தை மாவட்ட காவல் கண்காணிப்பாளர் அவர்கள் துவக்கி வைத்துள்ளார்கள்.
இந்த உதவி மையம் தினமும்
காலை 09.00 மணி முதல்
மாலை 06.00 மணி வரை செயல்படும். இதற்காக 6382137621, மற்றும் 8220366320 என்ற தொலைபேசி வசதி அமைக்கப் பட்டுள்ளது. இதனை தொடர்பு கொண்டால் உதவி மையத்தில் உள்ள காவல் அலுவலர்கள் விண்ணப்பம் செய்பவர்களுக்கு விரைந்து உதவி செய்வார்கள் எனவும்,நேரிலும் அனுகலாம் என மாவட்ட காவல் கண்காணிப்பாளர் அவர்கள் தெரிவித்துள்ளார்கள்.
