சி.சி.டி.என்.எஸ். வலையதளத்தை சிறப்பாக பயன்படுத்திய பெண் தலைமை காவலருக்கு விருது
தமிழகத்திலுள்ள அனைத்து காவல் நிலையங்களிலும் குற்றம், மற்றும் குற்றவாளிகளை கண்காணிக்கும் சி.சி.டி.என்.எஸ். என்ற இணையதளம் வசதி செய்யப்பட்டுள்ளது.
இதன் மூலம் குற்ற வழக்குகளில் ஈடுபட்டவர்கள், காணாமல் போனவர்கள், திருடு போன வாகனங்கள், போன்றவற்றை கண்டுபிடிப்பதற்கு இந்த இணையதளம் ஏதுவாக உள்ளது. மேற்படி இந்த இணைய தள பயன்பாடு குறித்து டெல்லியில் உள்ள தேசிய குற்ற ஆவண காப்பகம் (National Crime Records Bureau ) தமிழகத்திலுள்ள அனைத்து காவல் நிலையங்களிலும் ஆய்வு நடத்தியது. இந்த ஆய்வில் மேற்படி சி.சி.டி.என்.எஸ். இணையதளத்தை அதிக அளவு பயன்படுத்தி குற்ற வழக்குகளில் ஈடுபட்டவர்களை கண்டுபிடித்தல், திருட்டு வாகனங்களை கண்டுபிடித்தல், காணாமல் போனவர்களை கண்டுபிடித்தல், உள்பட பல்வேறு வழக்குகளில் சிறப்பாக பணியாற்றியமைக்காக தமிழ் நாடு காவல் துறையில் 3 பேர் தேர்வு செய்யப்பட்டுள்ளனர். அவ்வாறு தேர்வு செய்யப்பட் 3 பேர்களில் ஒருவராக கன்னியாகுமரி மாவட்டம் இரணியல் காவல் நிலையத்தைச் சேர்ந்த பெண் தலைமைக காவலர் திருமதி. மேபின் சிமிலா தேர்வு செய்யப்பட்டார். அவருக்கு “Good practices in CCTNS/ICJS” விருது காணொலி கலந்தாய்வு மூலம் வழங்கப்பட்டது. இதனை காவல் அதிகாரிகள் காவல் ஆளினர்கள் பலரும் வெகுவாக பாராட்டினர்.
