இரவு நேர ரோந்து பணியில் ஈடுபடும் காவலர்கள் பெயருடன் அவர்களது செல் நம்பருடன் தினசரி வலைதளங்களில் பதிவிட்டு வரும் மதுரை மாவட்ட காவல் துறையினருக்கு பொது மக்களின் பாராட்டு
இரவு நேர ரோந்து பணியில் இருக்கும் காவல் அதிகாரிகள் யார்? என்பது குறித்து சமூக வலைதளங்களில் மாவட்ட போலீசார் பதிவிடுவதற்கு பொது மக்களின் பாராட்டு குவிந்து வருகிறது
மதுரை மாவட்ட காவல் துறை சார்பில் குற்றச் சம்பவங்களை தடுக்கும் விதமாக மதுரை மாவட்ட காவல் கண்காணிப்பாளர் திரு. சுஜித்குமார் அவர்களின் ஆலோசனையின் பேரில் பல்வேறு கட்ட நடவடிக்கைகள் மேற்கொள்ளப்பட்டு வருகிறது. குறிப்பாக மதுரை மாவட்ட காவல் துறை அறிமுகம் செய்த காவலன் செயலி பொது மக்களுக்கு பெரிதும் கை கொடுக்கும் விதமாக உள்ளது. திருவிழாக் காலங்களிலும் மக்களுக்கு உதவி செய்யும் நல்ல நண்பனாக காவலன் செயலி உள்ளது.இது தவிர சமூக வலைதளங்களின் வழியாக பொது மக்களுக்கு விழிப்புணர்வு ஏற்படுத்தியது, மக்களிடம் நல்ல வரவேற்பை பெற்றிருந்தது. அது போல் தற்போது மதுரை மாவட்ட காவல் துறை சார்பில் செயல்பட்டு வரும் இரவு நேர காவல் பணியில் இருக்கும் அதிகாரிகள் யார்? அவர்கள் செல் போன் நம்பர்கள் உள்பட தகவல்களை தினசரி முகநூல், ட்டூவிட்டர், உள்ளிட்ட சமூக வலைதளங்களில் பகிர்ந்து வருவதும் பொது மக்களிடம் நல்ல வரவேற்பை பெற்றுள்ளது.
