தூத்துக்குடி வடபாகம் காவல்நிலைய எல்லைக்குட்பட்ட பகுதியில் சட்ட விரோதமாக மது பாட்டில் விற்பனை செய்தவர் கைது. 165 மது பாட்டில்கள் மற்றும் கார் பறிமுதல்
தூத்துக்குடி மாவட்டம் காவல் கண்காணிப்பாளர் திரு. எஸ். ஜெயகுமார் அவர்களின் உத்தரவின்படி தூத்துக்குடி நகர காவல் துணை கண்காணிப்பாளர் திரு. கனேஷ் அவர்கள் மேற்பார்வையில் தூத்துக்குடி தென் பாகம் காவல் நிலையம் உதவி ஆய்வாளர் திரு. வேல்ராஜ் தலைமையில் தலைமை காவலர் திரு. பென்சிங், முதல் நிலை காவலர்கள் திரு. மாணிக்கராஜ், திரு. சாமுவேல், திரு. மகாலிங்கம், காவலர்கள் திரு. செந்தில் , திரு. திருமணி, மற்றும் திரு. முத்துப்பாண்டி, ஆகியோர் அடங்கிய தனிப்படையினர், நேற்று முன்தினம் ரோந்து பணி மேற்கொண்ட போது வடபாகம் காவல்நிலைய எல்லைக்குட்பட்ட பகுதியான தூத்துக்குடி முத்துக்கிருண்ணாபுரம் 6 வது தெருவில் அதே பகுதியை சேர்ந்த கற்குவேல் மகன் சரவணகுமார் வயது 40 என்பவர் காரில் வைத்து சட்டவிரோதமாக மது பாட்டில்கள் விற்பனையில் ஈடுபட்டது தெரிய வந்தது. இது குறித்து மேற்படி தனிப்படையினர் சரவணகுமாரை கைது செய்து அவரிடமிருந்து 165 மது பாட்டில்களை மற்றும் ஒரு காரையும் பறிமுதல் செய்தனர்.
இதுபற்றி தூத்துக்குடி வடபாகம் காவல்நிலையம் உதவி ஆய்வாளர் திரு. சுந்தர்சிங், வழக்கு பதிவு செய்து விசாரணை மேற்கொண்டு வருகிறார்கள்
