மதுரை, செல்லூர் பகுதியில் கஞ்சா விற்ற வாலிபர் கைது
: மதுரை, செல்லூர் பகுதியில் கஞ்சா விற்ற இளைஞரை கைது செய்த போலீசார் அவரிடமிருந்து ஒரு கிலோ கஞ்சா மற்றும் பணத்தை பறிமுதல் செய்து நடவடிக்கை எடுத்தனர்
மதுரை, செல்லூர் பகுதியில் கஞ்சா விற்பனை செய்து வருவதாக காவல் துறையினருக்கு ரகசிய தகவல் கிடைத்தது, அதனை தொடர்ந்து அந்த பகுதியில் காவல் துறையினர் வாகன சோதனையில் ஈடுபட்டனர். அப்போது அந்த வழியாக வந்த இரு சக்கர வாகனத்தை நிறுத்தி சோதனை செய்ய முயன்ற போது அந்த நபர் காவலரை கண்டவுடன் தப்பியோட முயன்றுள்ளார், அவரை விரட்டிச் சென்று பிடித்த போது அவரிடம் ஒரு கிலோ கஞ்சா இருப்பது தெரிய வந்தது.
இதனை தொடர்ந்து அவரை பிடித்து விசாரணை செய்ததில் அவர் அதே பகுதியை சேர்ந்த சஞ்சீவ்குமார் என்பது தெரிய வந்தது. பின்னர் அவரிடமிருந்த கஞ்சா, பணம், மற்றும் இரு சக்கர வாகனம் உள்ளிட்டவற்றை பறிமுதல் செய்து போலீசார் அவர் மீது வழக்கு தொடர்ந்து விசாரணை நடத்தி வருகின்றனர்.
