எண்ணூர் பகுதியில் பழுதடைந்த சாலையை சீரமைத்த போக்குவரத்து தலைமைக்காவலர்களை சென்னை பெருநகர காவல் ஆணையாளர் நேரில் அழைத்து பாராட்டி வெகுமதி வழங்கினார்.

நேற்று 01.11.2019 காலை சுமார் 7.45 மணியளவில் எண்ணூர் மணலி விரைவுச் சாலையிலிருந்த பள்ளத்தால் வாகன ஓட்டிகள் செல்வதற்கு சிரமமடைவதை பார்த்த எண்ணூர் போக்குவரத்து காவல் ஆளிநர்கள் கான்கீரிட் கலவைகளை கொண்டு மேற்படி பள்ளத்தை சரி செய்து போக்குவரத்து சீராக செல்வதற்கு உதவி புரிந்தனர்.

மேற்படி பணியின் போது சிறப்பாக செயல்பட்டு சாலையிலிருந்த பள்ளத்தை சரி செய்து போக்குவரத்து சீராக செல்வதற்கு ஏற்பாடு செய்த எண்ணூர் போக்குவரத்து காவல் நிலைய தலைமைக்காவலர்கள் திரு.ஏ.வி.ஆர்.வெங்கடேசன் (தா.கா.15338) மற்றும் ஆர்.செந்தில்குமார் (தா.கா.20050) ஆகிய இருவரையும் சென்னை பெருநகர காவல் ஆணையாளர் முனைவர்,திரு.அ.கா.விசுவநாதன், இ.கா.ப அவர்கள் (02.11.2019) இன்று நேரில் அழைத்து பாராட்டி வெகுமதி வழங்கினார்.

ச. அரவிந்தசாமி போலீஸ் இ நியூஸ் சிவகங்கை மாவட்ட நிருபர் மற்றும் ஆல் இந்தியா ஜர்னலிஸ்ட் கிளப்பின் இளைஞரணி தலைவர் சிவகங்கை மாவட்டம்.