இரண்டாம் கட்ட உடற்தகுதி தேர்வு வரும் 18ம் தேதி முதல் 20ம் தேதி வரை நடைபெறும் என்று தூத்துக்குடி மாவட்ட எஸ்.பி.அருண் பாலகோபாலன் தகவல்
தூத்துக்குடி 2019 நவம்பர் 12 ;தள்ளி வைக்கப்பட்ட இரண்டாம் நிலை காவலர், சிறைக்காவலர் மற்றும் தீயணைப்புத்துறையினருக்கான தூத்துக்குடி மற்றும் கன்னியாகுமரி மாவட்ட விண்ணப்பதாரர்களுக்கான இரண்டாம் கட்ட உடற்தகுதி தேர்வு வரும் 18.11.2019 முதல் 20.11.2019 வரை நடைபெறும் என தூத்துக்குடி மாவட்ட காவல் கண்காணிப்பாளர் அருண் பாலகோபாலன்,அறிவித்துள்ளார்.
இதுகுறித்து அவரது அறிவிப்பு ;2019-ம் ஆண்டிற்கான ஒருங்கிணைந்த இரண்டாம் நிலை காவலர் (ஆண், பெண் / மூன்றாம் பாலினம்) இரண்டாம் நிலை சிறைக்காவலர், (ஆண் மற்றும் பெண்) மற்றும் தீயணைப்போர் பதவிகளுக்காக எழுத்துத்தேர்வில் வெற்றி பெற்ற தூத்துக்குடி மற்றும் கன்னியாகுமரி மாவட்டத்தை சார்ந்த விண்ணப்பதார்களுக்கு முதற்கட்ட உடற்கூறு தேர்வு (PMT) தூத்துக்குடி மாவட்டம், ஜார்ஜ் ரோடு, தருவை மைதானத்தில் வைத்து 06.11.2019 முதல் 8.11.2019 வரை நடைபெற்றது.
மேற்படி தேதிகளில் உடற்கூறு தேர்வில் (PMT) வெற்றி பெற்றவர்களுக்கு உடற்தகுதி தேர்வு (PMT) 9.11.2019, 11.11.2019 மற்றும் 12.11.201;9 ஆகிய தேதிகளில் நடைபெறுவதாக இருந்தது. அதனடிப்படையில் விண்ணப்பதாரர்களுக்கு அழைப்பாணை கடிதமும் வழங்கப்பட்ட நிலையில் மேற்படி தேர்வானது தற்காலிகமாக ஒத்திவைக்கப்பட்டது.
தற்பொழுது தமிழ்நாடு சீருடை பணியாளர் குழுமத்தின் உத்தரவின் அடிப்படையில் மேற்படி உடற்தகுதி தேர்வினை (PMT) 18.11.2019 முதல் தொடர்ந்து நடத்தி முடிக்க ஆணை வழங்கப்பட்டுள்ளது.அதனடிப்படையில் உடற்தகுதி தேர்வுக்கு தேர்வான விண்;ணப்பதாரர்களுக்கு ஏற்கனவே குறிப்பிட்டுள்ள தேதிகளுக்கு பதிலாக கீழ்கண்ட தேதிகளில் உடற்தகுதித் தேர்வு (PMT) நடைபெறும் என்பதை இதன் மூலம் தெரிவித்துக் கொள்ளப்படுகிறது.
உடற்தகுதி தேர்வுக்கு (PMT) விண்ணப்பதாரர்கள் ஏற்கனவே அழைக்கப்பட்ட நாள் ,(அழைப்பாணை கடிதத்தில் குறிப்பிட்டுள்ளபடி)தற்போது உடற்தகுதி தேர்வு (PMT)நடைபெறும் நாள்
9.11.2019 (தூடி – ஆண்கள்)18.11.2019
11.11.2019 (தூடி மற்றும் கன்னியாகுமரி – ஆண்கள்) 19.11.2019,
12.11.2019 (தூடி மற்றும் கன்னியாகுமரி – பெண்கள்) 20.11.2019
இப்பத்திரிக்கை செய்தியினை அழைப்பாணையாக கருதி விண்ணப்பதாரர்கள் அனைவரும் தங்களுக்கு ஏற்கனவே உடற்தகுதி தேர்வுக்காக (PMT) வழங்கப்பட்ட அழைப்பாணை கடிதத்துடன் மேற்படி தேர்வுக்கு மேற்குறிப்பிட்ட தேதிகளில் காலை 06.00 மணிக்குள் தூத்துக்குடி மாவட்டம், ஜார்ஜ் ரோடு, தருவை மைதானத்தில் ஆஜராகும்படி இவ்வாறு அவர் கூறியுள்ளார்.
போலீஸ் இ நியூஸ் நமது செய்தியாளர் S.முத்துக்குமார் தூத்துக்குடி மாவட்டம்
