தூத்துக்குடி மாவட்டம் சாயர்புர காய்கறி கடையில் புகுந்து பணத்தை திருடியவர் கைது.
சாயர்புரம் சிவஞானபுரத்தைச் சேர்ந்த ஞானசேகர் மகன் இமானுவேல் (25) என்பவர் சாயர்புரம் to வாகைகுளம் சாலையில் காய்கறி கடை நடத்தி வருகிறார். இந்நிலையில் கடந்த 24.10.2021அந்த கடையில் இருந்த ரூபாய் 2,500/- பணம் திருடு போயுள்ளது.
இதனையடுத்து இமானுவேல் அளித்த புகாரின் பேரில் சாயர்புரம் காவல் நிலைய போலீசார் விசாரணை மேற்கொண்டதில் சாயர்புரம் மேற்கு தெருவைச் சேர்ந்த காசிலிங்கம் மகன் கண்ணன் (20) என்பவர் அந்த காய்கறி கடைக்குள் புகுந்து பணத்தை திருடியது தெரியவந்தது.
இதுகுறித்து சாயர்புரம் காவல்நிலைய உதவி ஆய்வாளர் திரு. திருமலை முருகன் வழக்கு பதிவு செய்து எதிரி கண்ணனை கைது செய்தார்.
