மதுரை நகரில் 6 ஆண்டுகளில் சாலை விபத்துகளில் 684 பேர் பலி
மதுரை நகரில் 6 ஆண்டுகளில் நடந்த சாலை விபத்துக்களில் 684பேர் பலியாகியுள்ளனர் பெரும்பாலும் இரு சக்கர வாகனத்தில் செல்வோர்தான் விபத்துக்களில் சிக்குவதால் ஓட்டுபவரும் பின்னால் அமர்ந்து செல்பவரும் கட்டாயம் ஹெல்மட் அணிய வேண்டும் என போலீசார் அறிவுறுத்தி வருகின்றனர்.
நகரில் விபத்தை தடுக்க போலீசார் பல்வேறு நடவடிக்கைகளை எடுத்தாலும் விபத்தையும் உயிரிழப்பையும் தடுக்க முடியவில்லை
நேற்று முன் தினம் கூட மண்டேலா நகர் பகுதியில் நடந்த விபத்தில் இரு சக்கர வாகனத்தில் வந்த 3 பேர் லாரி மோதி பலியானார்கள்
இரு சக்கர வாகனத்தில் செல்வோர் கட்டாயம் ஹெல்மட் அணிய வேண்டும் இல்லாவிட்டால் ரூ.1000/- அபராதம் விதிக்கப்படும் என போலீசார் தொடர்ந்து எச்சரிப்பதால் 95 சதவீதம் பேர் ஹெல்மட் அணிந்தே வாகனம் ஓட்டுகின்றனர்.
அதே சமயம் பின்னால் அமர்ந்து வருபவர்கள் யாரும் ஹெல்மட் அணிவதில்லை இதனால் இரு சக்ரவாகன விபத்தில் பலியாபவர்கள் இவர்கள்தான். இதை தவிர்க்க பின்னால் அமர்ந்து செல்வோரும் கட்டாயம் ஹெல்மட் அணிய வேண்டும் என போலீசார் விழிப்புணர்வு பிரச்சாரம் செய்து வருகின்றனர். சில இடங்களில் அபராதமும் விதிக்கின்றனர்.
தெப்பக்குளம் போக்குவரத்து காவல் ஆய்வாளர் அ.தங்கமணி அவர்களின் தலைமையிலான போக்குவரத்து போலீசார் முக்தீஸ்வரர் கோவில் முன் போக்குவரத்து மையத்தை அமைத்து தினமும் விழிப்புணர்வு ஏற்படுத்தி வருகின்றனர்.
